დევი აბაშიძე

1941 წელს დაამთავრა ხარაგაულის მე–2 საშ. სკოლა. 1941–1944 წლებში სწავლობდა თბილისის სახელმწიფო სამედიცინო ინსტიტუტში, საიდანაც გარიცხეს, ტროცკისტის შვილობის ბრალდებით. 1944–1948 წლებში მუშაობდა მსახიობად სხვადასხვა თეატრსა და სახელმწიფო ანსამბლში. 1948 წელს ჩაირიცხა და 1953 წელს წარჩინებით დაამთავრა საქართველოს შოთა რუსთაველის სახელობის თეატრალური ინსტიტუტის სარეჟისორო ფაკულტეტი. იყო ქუთაისის ლადო მესხიშვილის სახელობის პროფესიული სახელმწიფო დრამატული თეატრის რეჟისორი. 1957 წლიდან მუშაობდა რეჟისორად კინოსტუდია „ქართულ ფილმში“.